PATAS NA OPORTUNIDAD SA ATLETA HINILING PARA SA SEAG CAMPAIGN
MULING binuksan ang ‘panic button’ sa swimming dahil sa nalalapit na 30th Southeast Asian Games na idaraos sa Manila, siyam na buwan na lamang mula ngayon.
“Time is fast running out. We have to get our best swimmers together to represent the country in the SEA Games,” ayon kay Nikki Coseteng sa 10th ‘Usapang Sports’ ng Tabloids Organization in Philippine Sports (TOPS) sa National Press Club sa Intramuros kasabay ng paghikayat sa Philippine Olympic Committee (POC) at Philippine Sports Commission (PSC) na pinal nang wakasan ang pagkaha-habang kontrobersiya na bumalot sa sport at bigyan ang lahat ng talented Filipino swimmers ng patas na oportunidad na katawanin ang bansa sa SEAG.
Aniya, hindi magkakaroon ng posibilidad na makapaghatid ng magagaling na swimmers at coaches ang bansa hangga’t hindi nalulutas ang sigalot sa liderato.
“It is really getting tiring and frustrating. But we cannot let politics rear its ugly head in sports time and again. It is unfair,” paliwanag pa niya, ang honorary chairperson ng Philippine Swimming League (PSL).
“Our top swimmer, Jasmine Modjeh, won six to seven golds in her last tournament. Siya ang No. 1 swimmer natin pero bakit hindi siya kasali sa age-group ng swimming ng SEAG?”
Idinenay din ni Coseteng na interesado siyang maging NSA president. “When I first started to become an advocate on the proper way to run an NSA, I have been accused of so many things. Lahat binabato na sa akin. But if kung may goal ka talaga, lahat ng mga asong tumatahol sa gilid, hindi mo papansinin.” Dagdag pa niya, “I can’t imagine myself becoming an NSA president because if I run an NSA the way I wanted it, they’ll probably throw me out in two days or even in 30 minutes.”
Ang TOPs ay binubuo ng sportswriters and photographers mula sa iba’t ibang pangunahing tabloids sa bansa. Ang Usapang Sports ay ipinakikita ng live sa Facebook via Glitter Livestream.
Comments