Tigdas sa Calabarzon lalong lumala

PATULOY na nadaragdagan ang bilang ng kaso ng tigdas sa Calabarzon Region.

Sa huling datos ng Department of Health Epidemiology Bureau ng February 17, umabot na sa 38 ang nasawi habang 1,875 ang kabuuang bilang ng kaso ng tigdas sa Southern Tagalog.

Mas mataas ito ng 34 na kaso kaysa sa 1,841 kaso sa Metro Manila.

Sa naturang rehiyon, pinakamaraming naitala ng sakit sa Rizal.

Samantala, sa loob ng dalawang buwan, umabot na sa 136 ang nasawi at 8,000 ang kaso ng tigdas sa buong bansa.

Karamihan sa mga nasawi ay hindi nakapagpabakuna kontra tigdas. (BRT)