Para ‘di paulit-ulit kada eleksiyon | KULONG SA PASAWAY NA KANDIDATO

NANINIWALA ang dating commissioner ng Commission on Human Rights na si Atty. Nasser Marahomsalic na dapat makulong ang mga lumalabag sa Election Law.

Ito ay para hindi na umano nagpapaulit-ulit kada halalan ang paglabag ng mga kandidato.

Ani Marahomsalic, malinaw ang batas sa halalan subalit, hindi naipatutupad nang tama kaya patuloy na nadaragdagan ang mga paglabag.

Samantala, sa ginanap na forum sa Tapatan sa Manila, sinabi ni Breeza Rosales, Junior Project Director ng LENTE, na naniniwala siyang seryoso ang Commission on Elections sa kanilang ginagawang pagpapatupad ng batas.

Ayon naman sa election watchdog na Parish Pastoral Council for Responsible Voting (PPCRV), magsisimula na silang mag-ikot sa iba’t ibang lugar sa Metro Manila upang tumulong sa pagbaklas ng mga poster at tarpaulin na nasa bawal na lugar. (BRT)