Nalunod sa pool | 8 YRS. OLD DEDO SA FAMILY OUTING

NAUWI sa trahedya ang masayang family outing sa isang resort matapos malunod sa swimming pool ang walong taong gulang na lalaki sa Malabon City, kahapon ng tanghali.

Kinilala ang biktima na si Nigelmin Berinio, pupil at residente ng Bgy. 67, Tondo, Manila.

Sa imbestigasyon nina SPO2 Jherico Pascual at PO2 Mardelio Osting, alas-11:30 ng umaga nang maganap ang insidente sa sa M&A Resort sa Bgy. Maysilo.

Nauna rito, inimbitahan ang biktima kasama ang kanyang ina na si July Anne, 25, ng boyfriend nito para sa family outing sa naturang resort at habang naliligo, laking-gulat na lamang ng saksing si ‘Mark’, 17, nang masagi ng kanyang paa ang katawan ng biktima sa ilalim ng swimming pool.

Tinawag nito ang kanyang kaibigan at ipinaalam ang insidente sa duty lifeguard na si Leidielyn Cruz, 37, na agad itinaas ang katawan ng biktima saka sinubukang i-revived bago dinala sa San Lorenzo Ruiz Women’s Hospital subalit, hindi na rin ito umabot ng buhay.