2 tulak utas sa pulis

DALAWA umanong tulak ng droga ang bumulagta sa kapulisan matapos manlaban sa ikinasang buy-bust operation sa Bgy. Wawa, Batangas City.

Pasado alas-2:00 ng madaling-araw nang makabili ang nagpanggap na buyer ng iligal na droga gayunman, nakatunog ang mga suspek na sina Francis Asihan at John Carlo Bagon, kapwa nasa listahan ng pulisya na pusher ng droga.

Agad umanong bumunot ng baril ang mga suspek saka pinaputukan ang mga awtoridad.

Lumusob naman ang ilang kasamahang pulis hanggang sa mauwi sa engkuwentro na ikinasawi ng dalawa.

Nadala pa sila sa pagamutan ngunit, idineklarang dead-on-arrival.