Para kay P-Duterte, 'pag marunong mag-English, puwede nang mag-senador?

PABLO L. HERNANDEZ III / PRANGKAHAN

PARA KAY P-DUTERTE, DAHIL MARUNONG MAG-ENGLISH SI FREDDIE AGUILAR, PUWEDE NA RAW ITONG MAGING SENADOR — Isa si Freddie Aguilar sa mga ikinakampanya ni P-Duterte na ibotong senador na ayon sa pangulo, marunong naman daw mag-English si Aguilar kaya puwedeng-puwede raw itong maging senador.

Hay naku, akala siguro ni P-Duterte na kapag marunong mag-English, puwede nang iluklok sa Senado, boom!

◘◘◘

IMBES NA DISCOUNT SA MARALITA, DISCOUNT NG MGA TRAPO, INAPRUB NI P-DUTERTE—Nilagdaan na ni P-Duterte ang batas na magbibigay ng malaking discount sa political ads ng mga pulitiko sa telebisyon, radyo at pahayagan.

Pambihirang pangulo ito, imbes na sa mga maralita magbigay ng discount sa napakamahal na presyo ng mga bilihin, eh, discount sa ads ng mga kapwa niya trapo (traditional politician) ang ginawang batas, pwe!

◘◘◘

BABABA TALAGA ANG BILANG NG ADIK KASI IMBES NA IPA-REHAB, IPINAPAPATAY—Naniniwala si Sen. Antonio Trillanes IV sa survey na bumaba ang bilang ng mga adik sa bansa.

Imbes daw kasi na ipa-rehab ang mga adik na naligaw ng landas sa paggamit ng droga, eh, ipinapapatay ng Duterte gov’t., boom!

◘◘◘

IMBES NA IPATIGIL, LALONG DUMAMI ANG RAKET NA DROP BALLS AT COLOR GAMES SA BULACAN—Imbes na ipatigil ni Bulacan PNP Director Sr. Supt. Chito Bersaluna ang raket na drop balls at color games sa lalawigang ito, lalo pang nadagdagan.

Dati kasi ang mga nag-o-operate lang ay ang raket nina “Mike” sa San Jose del Monte City; “Tomas” sa Malhacan, Meycauayan; “Tisoy” sa Siling-Bata, Pandi; “Myrna” sa Masagana, Pandi; “Aling Fe” sa Abulalas, Hagonoy; “ “Freddie” sa Poblacion, Bustos; “Ely” sa Angat; “Bonjing” sa Pulilan; “Baby” sa DRT; “Ric” sa San Miguel at “Mel” sa San Rafael”, pero ngayon daw ay may ganitong raket na rin sina “Oliver”, “Myrna”, “Michael”, “Ric”, “Jr. Bakulaw”, “Flora” sa San Miguel; “Domeng” sa San Ildefonso, “Aling Tiyang” sa Angat, “Louie” at “Andy” sa Balagtas, pawang sa Bulacan.

Ganyan karami ang mga manraraket sa jurisdiction ni Sr. Supt. Bersaluna, buwisit!