Bloke-blokeng cocaine, ipinaanod sa karagatan ng Pilipinas, modus na naman!

TUMAKBO pa-Hong Kong sina P-Digong at Honeylet.

Wala na kasing “vacant room” sa mga hotel sa Maynila!

◘◘◘

IDE-DEVELOP ang natural liquefied petroleum gas ng Malampaya sa Pilipinas.

Panis nang isyu ‘yan!

◘◘◘

BAKIT walang nangangampanya na isusulong ang paglalagay ng solar panel roof sa mga government building?

Simple lang ‘yan, pero walang dumidiskarte!

◘◘◘

MARAMING programa at proyekto na binabanggit sa mga plataporma de gobyerno ay kunwa-kunwari lang.

Pero huwag ka, nagwawagi pa rin ang mga plastik!

◘◘◘

NAG-BREAK na ang beauty-queen actress na sina Winwyn Marquez at actor Mark Herras.

Wala tayong kinalaman d’yan!

◘◘◘

NAARESTO ang CEO ng news portal.

Siya ngayon ang ibinabalita!

◘◘◘

HUMINGI ng paumanhin si P-Digong kay ex-Speaker Pantaleon Alvarez.

Huli man daw at magaling, late pa rin!

◘◘◘

NILINAW ni P-Digong na hindi niya ini-endorso si Jinggoy Estrada.

Eh, huwag na niyang ipagsigawan!

◘◘◘

BLOKE-BLOKENG cocaine ang ipinaanod sa karagatan ng Pilipinas.

Inuulit lang ang modus-operandi!

◘◘◘

MAGTATAGPONG muli sina Kim Jong Un ng North Korea at Donald Trump ng U.S.

Gagawin ang “rematch” sa Vietnam!

◘◘◘

ITINIGIL na ang operasyon ng nabangkaroteng Hanjin shipbuilding firm sa Subic.

Wala bang kakasuhang kroni rito?

◘◘◘

NAG-IWAN ng bilyun-bilyong utang ang Hanjin sa malalaking bangko sa Pilipinas.

Ilan kaya riyan ang “behest” loan?

. .