Aktres, kahit naghahabol na… LUIS, KUMANTA KUNG BAKIT 'DI MABUNTIS SI JESSY

Anj Cabilla / PAK ANG GANAP!

AMINADO si Luis Manzano na sigu­rado na siyang ang aktres na si Jessy Men­diola na ang kanyang mapapanga­sawa at magiging ina ng kanilang mga anak, pero inamin ng TV host na inuurong muna niya ang kani­lang pag­papakasal dahil nag-iipon pa siya para sa kanilang future.

Sa isang interview ng aktor, sinabi ng TV host na wala na siyang duda na si Jessy ang kanyang mapapanga­sawa, kaya gusto niya itong bigyan ng magan­dang buhay na deserve ng aktres.

Ayon kay Luis, ma­dali lang ang magpa­kasal, ngunit ang i-maintain ang buhay-pamilya ay mahi­rap.

Aniya, “To get married is easy, but maintaining a home isn’t. I keep saying, yes, our lives will be good and comfortable for X amount of years, but what if something untoward happens? I’m just being a realist.”

Sa mga naunang interviews, inamin ni Jessy na goal niya na magkaa­nak bago mag-30. Ayon kay Luis, mas mabuti kung magkaanak si Jessy nang mas maaga sa kanyang deadline, ngunit hindi pa nila ito magagawa nga­yong taon dahil ma­rami pa silang commitments na kaila­ngang tapusin.

Aniya, “She’s 26. It’s better if she becomes a mom earlier than the deadline she has set for herself, but we both still have a lot of commitments, especially this 2019.”

Dahil daw dito ay hindi matigil ang kanyang ina na si Lipa City Representative Vilma Santos sa pagbu­bunganga sa kanya na gumawa na ng anak, dahil hindi na siya bumabata.

Sa puntong ito, inamin ng TV host na hindi pa sapat ang kanyang ipon para bumuo na ng pamilya.

Aniya, “I am not saying I’m not well-compensated. Akala n’yo lang mayaman ako, but I want to point out that there’s a huge difference between the talent fees of the hottest leading man and a TV host.”

Dagdag pa niya, “I have businesses. That’s why people have this notion that, ‘Wow! Luis owns yachts or something!’ So I need to focus on these businesses this year.”