Comelec, tiklop sa naglalakihang posters ng ‘bata’ ni P-DU30, tsk-tsk-tsk!
SA CHINA DAPAT IPAKITA NI P-DUTERTE ANG KANYANG PAGKALALAKI AT HINDI SA MISIS NI TATAD — Sa galit ni P-Duterte sa ipinamamalita raw ni ex-Sen. Francisco Tatad na siya ay may kanser, sinabi ng pangulo na kapag nakita raw niya ito ay sasampalin niya at nais din daw niyang ‘hiramin’ ang misis ng ex-senator para raw patunayan ang kanyang pagkalalaki.
Pambihira, imbes sa China na sumakop sa West Philippine Sea (WPS) ipakita ni P-Duterte ang kanyang tapang at pagkalalaki, eh, sa misis ni Tatad!
◘◘◘
COMELEC, ATRAS ANG ‘BALLS’ KAY ‘BONG’ GO — Ayon kay Comelec Spokesman James Jimenez, sasampahan daw nila ng kaso ang 40 kandidatong senador na lumabag sa prescribed size posters.
Ang nakaka-shock, sa 40 senatoriables na kakasuhan, wala sa listahan ang pinakamaepal na kandidatong si ex-SAP ‘Bong’ Go na may pinakamaraming naglalakihang posters sa buong Pilipinas.
Diyan makikita na pagdating sa ‘bata’ ni P-Duterte, atras ang ‘balls’ ng mga taga-Comelec, boom!
◘◘◘
MAS TYPE NG MGA ‘BOBOTANTE’ ANG MGA TRAPO KAYSA MGA KANDIDATONG NAGMULA SA MGA MANGGAGAWA — May mga kandidato sa pagka-senador na mula sa hanay ng mga manggagawa pero, dahil hindi sila kilala, dedma lang sila sa mga kapwa nila manggagawa at ang hinihiyawan at pinapalakpakan ay ang mga kandidatong trapo (traditional politician).
Pagpapatunay iyan na sangkaterba pa rin ang mga ‘bobotanteng Pinoy’, kasi mas gusto nilang suportahan ang mga trapo na ang layunin ay magnakaw sa kaban ng bayan kaysa mga kandidatong hindi trapo na ang layunin ay isulong ang kapakanan ng mga manggagawa sa Senado, period!
◘◘◘
SAKLAAN NINA ‘GASPAR’, ‘AMANG’ AT ‘WILLY’, TULOY PA RIN SA QC — Tuloy pa rin daw ang operasyon ng saklaan nina alyas Gaspar, Amang at Willy sa Quezon City.
Tila yata matatapos ni Mayor Bistek Bautista ang kanyang termino nang hindi niya napatitigil ang mga saklaan sa kanyang nasasakupan, pwe!
Comments