BANGIS NG SUPER CRUNCH AT PASIG, IPINALASAP SA PATRIOTS AT LANTERNS

NAGPATULOY ang bangis ng Makati sa MPBL Datu Cup at idinagdag nila sa biktima ang Parañaque Patriots-F2 Logistics, Hu­we­bes ng gabi.

Inasahan ng Super Crunch ang big game na binalikat ni Jeckster Apinan, na galing sa double-double performance upang pamu­nuan ang Makati, kung saan ang 13 straight na panalo ang naglagay sa kanila sa 2nd spot sa pahirapang northern division ng torneo. Pinag-ibayo ng Makati ang win-loss re­cord sa 19-4, kapareho ng Manila. Sa isa pang panalo, makukuha ng Super Crunch ang No.2 spot ng northern Division. Bumakas si A­pi­­­nan na sandaling nakapag­laro sa PBA (NLEX Road Warriors) ng 11 puntos at 12 rebounds.

Ang depensa ng Super Crunch ang pinalakas para mapalawig pa ang winning streak at nanatiling pinaka­mainit na team sa torneo tungo sa playoffs. Nasa­gap ng Parañaque ang ikawa­long diretsong talo at lagpak sa 11th spot na may 8-15 re­cord sa southern division.

Ang pagkatalo ang nagpa­tibag sa Patriots sa playoff race. Sa main game, naungusan ng Pasig ang Pampanga sa 69-67 win. Pahirapan sa Pampanga ang pagkatalo dahil lumayo pa sila sa playoff berth nang malasap ang back-to-back game loss. Lagpak ang Lanterns sa 9th to 10th places kahilera ang Valenzuela Classic sa Northern Division sa parehong 9-14 record. Natalo ang Pam­panga kahit na solido pa ang laro ni Michael Juico. Ang dating GlobalPort Batang Pier ay may 23 puntos at 20 rebounds. (MC/VA)