17-anyos nagpaalam muna sa FB | POST BAGO BIGTI

DEDO ang 17-anyos na binatilyo na umano’y sang­kot sa robbery snatching ma­tapos magbigti sa puno sa harap ng kanilang bahay sa Valenzuela City, kaha­pon ng madaling-araw.

Kinilala ang biktima na si Frank James Esteban na natagpuan ng kanyang ama na si Francisco na nakabigti sa puno ng duhat sa harap ng kanilang bahay sa Bgy. Bignay, alas-4:00 ng ma­daling-araw.

Humingi ng tulong si Francisco sa kanilang mga kapitbahay saka pinutol ang electric cord na nakapu­lupot sa leeg ng biktima at pinag­tulungang ibaba ang kata­wan saka ini-report ang in­sidente sa Valenzuela Police Com­munity Precinct (PCP) 7.

Ayon kay Valenzuela Police Chief Senior Supt. David Nicolas Poklay, ina­min ni Francisco sa pulisya na ang kanyang anak kasama ang isang Nelson Aberon ay sinampahan ng kasong rob­bery snatching with phy­sical injuries sa Meycauayan, Bu­lacan City Prosecutor’s Of­fice.

Sinabi pa ni Francisco sa pulisya na bago ang insi­dente, nakatanggap ng sum­mon ang kanyang anak na kailangan siyang dumalo sa pagdinig, Biyernes ng umaga.

Napag-alaman din ng pulisya na bago ang pagpa­pa­ka­matay ng biktima, nag-post ito ng salitang “PA­ALAM” sa kanyang Face­book account alas-3:47 ng madaling-araw, 13 minutes bago nadiskubre ang naka­bigting katawan nito.

Ani Sr. Supt. Poklay, lu­magda ang ama ng biktima sa waiver na nagpapa­hayag na hindi na sila inte­resado sa isasagawang im­bestigasyon at autopsy sa katawan ni Frank James sa paniwalang walang naganap na foul play sa pagkamatay ng kanyang anak.