PILIPINAS 3X3 PRESIDENT’S CUP START NA ANG MAAKSIYONG TATLUHAN

ISANG bagong kaba­nata sa kasaysayan ng bas­ketball sa Pilipinas ang mag­sisimula ngayong araw sa opening ng Chooks-To-Go Pilipinas 3X3 Presidents Cup, ang nag-iisang liga ng tatluhan sa bansa, sa SM Megamall simula 11 a.m. Isang dosenang koponan ang magtatagisan sa unang hakbang patungo sa gan­timpalang P1-M.

Napipisil na maagang paborito ang Grindhouse Kings-Pasig, ang kampeon ng preseason tournament noong Enero at kinabibi­langan ng beteranong si Dylan Ababou at mga baguhang sina Troy Rike, Joshua Munzon at Taylor Statham. Dahil sa kanilang ipinakita, nagpalakas ng husto ang 11 iba pang ka­lahok na Vigan Baluarte Wolves, Bataan Risers, Bu­lacan Kuyas, Valen­zuela Classic, Pasay Voya­gers, Go For Gold-San Juan Knights, Zark’s Jaw­breakers-Quezon City, Marikina Shoemasters, Bacoor Strikers, Max4 Bi­rada-Cebu at Zambo­anga Valientes.

Maliban kay Ababou, maraming dating PBA pla­yer ang nakalista sa mga koponan. Hahatiin sa apat na pangkat ng tatlo ang mga koponan at maglalaro ng dalawang beses ang bawat isa. Ang mga nu­mero uno sa bawat pangkat ay didiretso sa semifinals at ang mga magwawagi ay maghaharap sa finals.

Bibigyan ng puntos ang mga koponan at ang mga puntos na ito ang ga­gamitin upang malaman kung sino ang tatanghaling pangkalahatang kampeon pagkatapos ng ika-anim at huling torneo sa Abril 6. Ang iba pang mga torneo ay gaganapin sa Peb. 24, Marso 1, 9 at 31 sa mga pi­ling SM Malls.

Magda­raos din ng Three-Point Shoot­out at Slam Dunk Contest kung saan inaasahang sa­sali si Kobe Paras ng UP Ma­roons, Ang Chooks Pi­lipi­nas 3X3 ay makakatulong ng malaki sa paglikom ng puntos upang umangat ang ranggo ng Pilipinas sa FIBA 3X3 at makasali sa 2020 Tokyo Olympics.

Ang mga magwawagi ay kakatawanin ang Pilipi­nas sa FIBA 3X3 World Tour at iba pang pandaigdi­gang palaro. (A. S./V.A.)