Budget kapos, hirit ng LGUs | SHARE SA KITA NG GOBYERNO, TAASAN

KUWARENTA (40) porsiyento ng national taxes ang dapat inire-remit sa mga local government unit imbes na 16 percent ng internal revenue taxes.

Ito ang isinusulong ni Ilocos Governor Imee Marcos na suportado ng mga bumubuo sa League of Provinces of the Philippines (LPP).

Inaapura ni Marcos ang awtomatikong pagpapalabas sa 40% share ng mga local government mula sa national taxes. Inihayag ni Marcos na sa ngayon, 16% lang mula sa national taxes ang tinatanggap ng mga LGU sa halip na 40%.

“That is really insufficient. As a candidate coming from the ranks of local government officials, I know what local executives feel – the issues that are closest to their hearts. Our budget is sorely lacking when in fact we are at the frontline when it comes to delivering services to our constituents,” ani Marcos.

Aniya, nagpalabas na ang Korte Suprema ng desisyon hinggil sa 40% IRA na kabahagi dapat ang LGUs ngunit, sa katotohanan ay inaalis sa computation dito ang Customs duties, excise tax, documentary tax at stamp tax. “When our kababayans have problems, who do they run to? They go to us local government officials. So, we must help our LGUs by ensuring they receive their just share,” dagdag pa ni Marcos. (BRT)