Gahiganteng campaign poster na may mukha ni P-Du30 binaklas din, lagot...

PABLO L. HERNANDEZ III / PRANGKAHAN

USAP-USAPAN SA MUNDO NA WA­LANG PRESS FREEDOM SA PILIPINAS —Kung sinuman ang nag-utos sa NBI na dakpin si CEO Rappler Maria Ressa para hindi ito ma­ka­pagpiyansa at upang makulong, sablay ‘yan!

Nag-react na rin sa isyung ‘yan ang mga international media, kabi­lang si CNN host Chris­tiane Amanpour na bumatikos sa Duterte gov’t. na nagresulta upang pag-usapan sa mundo na wala na raw press freedom sa Pilipinas.

Para sa kaalaman ng publiko, ang bansang walang press freedom, ang tingin d’yan ng mun­do ay bansang pinama­mahalaan ng diktador na gobyerno at ang foreign investors, hindi engot ang mga ‘yan para mag­tayo ng negosyo sa bansang pinamumunuan ng diktador na pangulo, period!

◘◘◘

BAGO PALITAN ANG PANGALAN NG PI­LI­PINAS, IPAG­LA­­BAN MUNA ANG SOBERANYA NITO LABAN SA CHINA —Ayon kay Senatorial candidate Neri Col­me­­na­res ng Bayan Muna, dapat daw bago palitan ang pangalan ng Pilipi­nas at gawin itong Ma­har­lika, ipag­tanggol muna ng Du­ter­te gov’t. ang soberan­ya ng bansa laban sa China.

May punto si Col­me­nares sa sinabi niya, nagpapanggap na maka­bansa si P-Duterte, pero ang ikinikilos at luma­labas sa bibig nito ay pagmamahal sa China, dahil ilang beses na rin sinabi ng pangulo na love niya ang China at si Pres. Xi Jinping, boom!

◘◘◘

COMELEC, BA­KA MALINTIKAN KAY P-DUTERTE KASI PATI MUKHA NIYA SA POSTER NA KASAMA SI “BONG” GO, BINAKLAS—Nag­sagawa na ng pag­babaklas ang Comelec sa mga naglalakihang poster ng mga kandidato sa pagka-senador at partylist na ikinabit sa mga ipinagbabawal na lugar.

Naku, baka magalit si P-Duterte sa Comelec, kasama sa binaklas ay ang mga gahiganteng poster na magkasama ang mukha nila ng “paborito” niyang senatorial candidate na si ex-SAP “Bong” Go, he-he-he!

◘◘◘

BALIK SMUGGLING SA BUREAU OF CUSTOMS ANG MAG-INANG ‘TINA U’ AT ‘BEBANG’—Balik-operasyon na naman daw sa kanilang raket na smuggling ang mag-inang “Tina U” at “Bebang.”

Kailan kaya ipag-uutos ni Bureau of Customs Commissioner Leo­nardo “Jagger” Guer­rero na ipa-”tokhang” ang mag-inang ito para matigil na ang raket nila sa Adwana? Abangan!