BIRTHDAY GIFT NI JAMES YAP ANG BIG GAMES SA HOTSHOTS

ITO na marahil ang pi­nakamasayang kaarawan para kay James Yap. Dala­wang araw bago ng kanyang kaarawan ay dinala ni Yap ang Rain or Shine sa mala­king panalo laban sa Mag­nolia, 75-74, noong Miyer­kules sa PBA Philippine Cup sa Mall of Asia Arena.

Nagbuslo ng three-point play si Yap may 3.5 seconds ang natitira sa fourth quarter upang makuha ang panalo.

Ito ang nagdala sa Rain or Shine ng kanilang pam­pitong panalo sa loob ng walong laro.

Pang-anim na sunod na panalo na rin ng Elasto Pain­ters sa pagpasok ng liga sa FIBA Basketball World Cup Asian qualifiers break.

Ngayong araw ang ka­arawan ni James Yap at ma­saya siyang magdiri­wang nito dahil sa magandang ni­lalaro ng Rain or Shine nga­yong conference.

“Ito ‘yung isa sa mga ma­­gan­dang gift - 7-1, num­ber 1 kami ngayon and mag­be-birthday… Sana mag-champion na sa Rain or Shine,” wika ni Yap.

Matatandaang naglaro si Yap sa Magnolia na dating Purefoods ang pangalan. Naglaro siya mula 2004 hanggang 2016 bago nai-trade sa Rain or Shine ka­palit ni Paul Lee.

Nagwagi rin si Yap ng dalawang Most Valuable Player awards ha­bang siya ay nasa Purefoods.

Ayon kay Yap, malayo na sa isip niya ang nangya­ring trade tatlong taon na ang nakalilipas.

“Hindi ko na iniisip ‘yun kasi kapag iisipin mo ‘yun, nandoon ‘yung gigil, nan­doon lahat na gusto mong magpakita. Pero siguro, aaminin ko noong mga bago pa lang na trade. Pero nga­yon, two years na so kaila­ngan ko rin mag-relax kasi laging gigil pag sila kalaban so ngayon, relax lang,” saad ni Yap.