Beybi nalitson

HALOS sunog na nang matagpuan ang tatlong bu­wang sanggol na babae ma­karaang masunog ang kani­lang bahay.

Kinilala ang biktima na si Alex Cabil.

Ayon kay Supt. Paul Pili, batay sa pahayag ng ama ng biktima na si Madrid, iniwan niya ang kanyang dalawang anak kabilang ang sanggol sa loob ng kanilang bahay dahil bibili siya ng ulam habang ang ina ng mga ito ay nagte-training sa pagiging call center agent.

Sumiklab umano ang sunog na nagmula sa kani­lang kapitbahay at nakatakbo palabas ang isa sa mga anak na nakaligtas habang naiwan ang sanggol.

Sugatan si Madrid dahil tinangka niyang iligtas ang bunsong anak subalit, huli na dahil kasama na itong natu­pok ng apoy.

Nasa 10 bahay ang nila­mon ng apoy at nasa 29 pa­milya ang nawalan ng taha­nan. Aabot sa P200,000 ha­laga ng mga ari-arian ang napinsala. Ayon sa BFP, patuloy ni­lang iniimbesti­gahan ang naturang insidente.