Mandatory ROTC sa kolehiyo, napapanahon na!

WIN TAYO SA EDUKASYON

BAGO matapos ang 2018, iginiit ni Pangu­long Rodrigo Duterte na pabilisin ang pagpapa­numbalik ng Reserve Officers Training Corps (ROTC) dahil pinaniniwalaang magiging tulay ito upang maitatak sa kabataang mag-aaral ang pagmamahal sa bayan at pagiging makabayan.

Bilang vice-chairman ng Senate Committee on Education, Arts and Culture, 2016 pa lamang ay isinumite na natin ang Senate Bill No. 200 o Mandatory Military and Civic Reserve Officers’ Training Corps sa lahat ng kolehiyo, uniber­si­dad at technical-vocational institutions.

Hindi kaila sa atin ang panawagan ng Asso­ciation of Generals and Flag Officers, Inc. (AGFO) sa pamamagitan ng board resolution na buhaying muli ang ROTC. Ayon sa kanila, ang kasalukuyang umiiral na National Service Training Program (NSTP) ay hindi sapat para maitanim sa isip ng mga kabataang Filipino ang halaga ng disiplina at pagkamakabayan.

Ngayon na ang magandang pagkakataon para maitatag ang basic military at officer trai­ning sa mga college student. Sa pamamagitan ng ating panukalang-batas ay mabibigyan ang mga mag-aaral ng kaukulang training upang tumugon sa panawagan sa paglilingkod sa bayan.

Kaya atin ding tinatawagan ang Department of National Defense (DND), Commission on Higher Education (CHEd) at Technical Edu­cation and Skills Development Authority (TES­DA) na magkaisa para bumuo ng mabi­sang ku­rikulum na magagamit sa pagpapa­laga­nap ng mandatory ROTC.

Sa nasabing panukala, mag-aaral ang lahat nito ng dalawang taon. Military training ang nakalaan para sa kalalakihan habang ang mga babaeng estudyante ay daraan sa civic training kung saan sila ay magsasanay sa serbisyong pam­­publiko tulad ng basic rescue operations at health services.

Sa pagtutulungan naman ng mga mamba­batas, mahigpit nitong poprotektahan ang mga estudyante at sisiguraduhing hindi na maulit ang mga nagawang pagkakamali mula sa nakaraan.

Ang maaari lamang maging diskuwalipikado ay ang mga indibidwal na physically o psycho­logically unfit at ang mga aktibong miyembro ng Armed Forces of the Philippines (AFP) at Philippine National Police (PNP).

Ayon kay CHEd Executive Director Atty. Julito Vitriolo, pinagaganda nila ang ROTC pro­gram sa pamamagitan ng pagpapares nito sa ibang programa kung saan mayroong package na kasama ang isang kurso na may karagda­gang kasanayan at pagkatuto na tinatawag na dual degree.

Ang ganitong programa ay “step­ping stone” upang makamit nila ang full bache­lor’s degree.

Nakatutuwang malaman na kaisa natin si Pangulong Rodrigo Duterte sa layuning maipa­mahagi sa kabataan ang pagiging makabayan at dedikasyon sa paglilingkod.

Sa pamamagitan ng tamang mandato ng mga taong nasa gobyerno, matutulungan natin si­lang matuto at magbigay ng importansiya ang pag­kakaroon ng hangarin sa pusong manilbi­han sa ating kapwa at bayan.

Higit sa lahat, malaki ang ginagampanan at gagampanan pa nilang papel sa lipunan. Kaya hangga’t maaga pa lamang, dapat nang panga­lagaan ang kanilang kinabukasan sa pamama­gitan ng tamang disiplina at tunay na pagmama­hal sa sariling bayan habang bata ang mga ito.

Sa pamamagitan ng ROTC, ating turuan ang mga kabataan ng kumpiyansa sa sarili, mahubog ang lakas at maging alerto para sa kapakanan ng lahat. Inaasahan natin na papasa ang panu­kala sa Senado.