Kandidatong magtutuloy ng war on drugs, bebenta sa publiko
HAPPY Valentine’s Day sa magkaka-partner.
Anti-V-Day sa mga walang dyowa!
◘◘◘
PULA ang kulay ng dugo.
Ibig sabihin, kulay pula rin ang simbolo ng war on drugs!
◘◘◘
SA totoo lang, malaking isyu ngayong 2019 Midterm Elections ang anti-drug campaign.
Marami ang natutuwa kay P-Digong dahil aktuwal na nawala, naglaho sa kalye ang mga adik at pusher!
◘◘◘
HINDI lang tulak ang tinutugis, inaaresto at natotodas sa war on drugs kundi maging ang mga kakutsabang police officer.
Ito ang dahilan kaya epektibo ang war on drugs!
◘◘◘
KINOPYA ng Indonesia at ngayon ay Sri Lanka ang war on drugs ni P-Digong.
Gusto rin kopyahin ito ni U.S. President Donald Trump!
◘◘◘
LAHAT ng barangay sa buong bansa ay nakaramdam ng war on drugs kasi aktuwal nilang nasaksihan kung paano sumuko, natakot ang mga kriminal at maging ang mga iskalawag na pulis.
‘Yan mismo ang kinokopya ng iba’t ibang bansa.
Hindi pinag-uusapan dito ang “human rights” violation” na isang propaganda lamang ng mga “espiya” ng ibang bansa upang guluhin ang umiiral na gobyerno!
◘◘◘
KUNG sinong kandidato ngayong 2019 Midterm Elections ang magtutuloy ng war on drugs, walang duda na hahakot at kokopo ito ng boto.
Ibig sabihin, lehitimong isyu ang war on drugs upang magwagi ang kandidato ngayong 2019 Senatorial Elections!
◘◘◘
TANGING ang issue sa illegal drugs ang espesipikong “plataporma” na nauunawaan at nararamdaman ng mga botante.
Ang isyu sa ekonomiya, korupsiyon, enerhiya at iba pa ay “gasgas” nang isyu sa halalan!
◘◘◘
NAKARATING sa Malacañang si P-Digong sa isang plataporma ng war on drugs.
Kailangang iboto ang mga kandidato na magpapatuloy ng giyera kontra droga, wala nang iba pa.
Period!
Comments