HAWKS, ANG LAKAS, DINAGIT ANG TRIPLE DOUBLE NI JAMES

KAPWA umiskor sina John Collins at Trae Young ng tig-22 puntos upang matulungan ang Atlanta Hawks na tapusin ang three-game losing streak sa bisa ng 117-113 victory laban sa bisitang Los Angeles Lakers sa NBA game kahapon.

Ang pagkatalo ang pumahiya sa triple-double ni Los Angeles forward LeBron James na may nagawang 28 puntos, 11 rebounds at 16 assists. Ito ang kanyang ika-5 triple-double ng season pero kinapos.

Tinuldukan ng Atlanta ang five-game losing streak laban sa Lakers at ginapi ang Los Angeles ng unang beses mula noong Marso 4, 2016. Ang panalo rin ang nagpa­tapos sa limang sunod na home losing streak ng Atlanta.

Umiskor si Collins ng 8 pun­tos para sa Atlanta at may 17 sa half period. May 8 rebounds at 3 assists para sa kabuuan ng laro, may 3 puntos, 14 assists at 6 rebounds.

Sa iba pang laban, umiskor si Gordon Hayward ng 26 points upang pangunahan ang bisitang Boston Cel­tics na pahiyain ang Philadelphia 76ers, 112-109. Bumanat si Al Horford ng 23 puntos ha­bang si Jason Tatum ay may 20 at 10 rebounds nang tapusin din ng Celtics ang dalawang sunod na talo. Nabangko si All-Star guard Kyrie Irving dahil sa knee injury.

May nagawang 23 puntos si Joel Embiid at 14 rebounds para sa league-leading na 47 double-double, dumagdag si Jimmy Butler ng 22 at 9 rebounds. Umiskor sina Ben Simmons at JJ Redick ng tig-16 puntos. Samantala, tinambakan ng Orlando Magic ang New Orleans Pelicans, 118-88. Nakalusot ang San Antonio Spurs sa Memphis Grizzlies, 108-107. (MC)