After ng breakup nila ni Benjamin… JULIE ANNE, HINAHABOL NG MGA LALAKI

Erlinda Rapadas / TEKA NGA

MUKHANG nagiging bentahe para sa Asia’s Pop Sweetheart ang pagiging single niya ngayon dahil may mga guys na gustong magparamdam at balak pumorma sa kanya.

Ilang buwan pa lang silang break ni Benjamin Alves at unti-unti pa siyang nag­mu-move on. Isinubsob niya ang panahon sa mga shows/concert na kanyang tinanggap. At nagpahayag na siya na sa nga­yon, ang career ang kanyang magiging priority at ayaw na muna niyang pumasok sa bagong relasyon.

It seems masyadong nasaktan ang Pop Sweetheart sa kabiguan sa pag-ibig kaya ayaw munang magmahal. Pero, may ilang guys ang interesado na siya ay ligawan at paibigin. May ilan ngang kandidato na nagnanais na siya ay makilala at mapalapit sa kanya.

Hopefully, kung iibig nang muli si Julie Anne ay maka­­tagpo siya ng tamang lalaki na magmamahal sa kanya nang totoo. Sana naman, marunong na rin siyang kumi­latis kung sino ang lalaking sinsero at hindi paasa lang.