Dawn, iniwasan daw… GRETCHEN, OUT SA REUNION NG MGA HOSTS NG GMA SUPERSHOW
Nitz Miralles / BIDA
NAKITA namin si Jackielou Blanco sa press interview ng action movie na Exit Point at binati namin siya sa sunud-sunod na projects. Showing pa ang Elise kung saan gumaganap siya bilang ina ni Janine Gutierrez.
Nasa Exit Point din siya bilang corrupt na director ng prison facility na si Director Fernandez. Mga action stars ang kasama niya sa pangunguna nina Ronnie Ricketts, Jericho Estregan at marami pang iba.
Sa Afternoon Prime ng GMA-7 na Inagaw na Bituin, nanay nina Sunshine Dizon at Angelika dela Cruz ang role niya.
Nang i-congratulate namin siya sa mga TV at movie projects niya, “Sinusuwerte lang,” ang sagot ni Jackielou. Kami na ang magdaragdag na kaya siya mabili sa mga producers ay dahil magaling siya.
Natanong si Jackielou sa isyung bakit hindi nila kasama si Gretchen Barretto sa reunion ng mga hosts ng GMA Supershow ni German Moreno. Ginawa sa Manila House sa BGC ang reunion na inayos ni Dawn Zulueta at itinaon sa bakasyon ni Rachel Ann Wolfe.
Sabi nina Jackie at Mariz Ricketts (producer ng Exit Point), inimbitahan si Gretchen, hindi lang pumuwede. Nabanggit daw ni Gretchen na sa next reunion ay dyo-join na siya para wala nang maging isyu.
Naungkat tuloy na nagkaroon ng isyu dati sina Dawn at Gretchen na sabi naman daw ng una, okay lang sa kanya kung nandu’n si La Greta. Kaya sabi ni Jackielou, kung may isyu man ang dalawa, tapos na ‘yun at okay na ang mga ito.
Comments