BITTER RIVALRY, LALONG NAGBAGA SA RIGODON NG IMPORTS SA PSL

MAINIT at tinitiliang volleyball action at drama ang sisimulan sa pagdaraos ng Philippine Superliga Grand Prix sa Sabado sa Ynares Arena sa Pasig City.

Nalipat si dating Petron reinforcement Lindsay Stalzer sa ibang team na pangunahing karibal ng Blaze Spikers, ito ay ang F2 Logistics sa prestihiyosong women’s club tourney.

Ang masipag na American spiker ay isa sa best imports na naglaro sa liga.

Matapos pangunahan ang Cignal, namuno siya sa Foton para sa back-to-back titles bago nakipag-team up kay Hillary Hurley ng Petron noong 2017.

Kinapos ang Blaze Spikers sa pagkuha ng korona nang palakasin ng imports na sina Maria Jose Perez ng Venezuela at Kennedy Bryan ng United States ang F2 Logistics para sa isang dramatikong come-from-behind na panalo sa best-of-three title showdown. Nang sumunod na taon, nagbalik si Stalzer at naging kakampi si Katherine Bell nang kalagan ng korona ang Cargo Movers sa isang nakakukumbinsing panalo.

Pero nang magkaroon ng agreement kay Bell at power-hitting Stephanie Niemer sa off-season, hindi nakalagda si Stalzer, daan para kunin siya ng Cargo Movers bilang reinforcement kasama si Italian-American Becky Perry.

Muling aabangan ang isang blockbuster at dramatikong bakbakan sa pagitan ng pinakapetmalu na koponan sa bansa ngayon – ang Petron at F2 Logistics sa una nilang paghaharap sa Marso 7 sa FilOil Flying V Centre sa San Juan.

“If I’m not mistaken, this is her sixth time to play in the league,” ayon kay F2 Logistics captain Cha Cruz sa press conference noong Linggo sa Sta. Lucia Grand East Mall sa Cainta.

“She always gives her best to the team she plays for. So we’re expecting nothing but the best performance from her as well from her partner, Becky Perry. We have high hopes coming into the PSL Grand Prix.”

Sa kabilang banda ipaparada naman sa liga ng ESPN at Plus5 channel ng UVC ang solidong core nina Fil-Hawaiian stalwarts Kalei Mau at Alohi Robins-Hardy, Kiwi Amy Ahomiro, libero Bang Pineda at imports TaiManu-Olevao at Yasmeen Bedart-Ghani habang ang Lifesavers ay umaasa sa tikas nina Brazilian Nikolle del Rio at Azerbaijani Kseniya Kocyigit.

Ibabalandra rin ng Tornadoes si dating Turkish national team member Selime Ilyasoglu at American Courtney Felinski habang ang Lady Realtors ay may bagong coach na si Babes Castillo at imports Molly Lohman at Casey Schoenlein.

Malakas na laro rin ang inihahanda ng PLDT Fibr at Cignal dahil sa bagong reinforcements na sina Grace Lazard, Kendra Dahlke, Anastasia Artemeva at Erica Wilson. (MC/VA)