Sawi sa pag-ibig, target ‘pag na-fall, peperahan | LOVE SCAM SA FB, TALAMAK

IBINABALA kahapon ang “love scams” sa Facebook kung saan nabibiktima ang mga kabataang “bigo sa pag-ibig” at aabot sa $1 bilyon ang natangay ng mga scammer sa nagdaang tatlong taon sa U.S. at Canada.

Hiniling ni Ilocos Norte Governor Imee Marcos sa mga awtoridad na lansagin ang mga sindikato na nasa likod ng playform na may kaugnayan sa “dating sites” sa Facebook.

“Paraphrasing our great poet Francisco Balagtas na nagsabing ang pag-ibig ‘pag dumapo sa puso ninuman, hahamakin ang lahat masunod ka lamang... ‘ayun na love scam, napahamak nga,” ani Gov. Marcos .

“In October last year, an overseas Filipino worker lost P600,000 after falling in love with a woman using a fake FB account. That poor OFW is just one of thousands of Filipinos who fall victim to online predators who manipulate their feelings to extort money,” aniya.

Nilinaw ni Marcos na madaling mabiktima ang mga kabataan na nakararanas ng depresyon at kabiguan sa relasyon dahil wala silang kakayahang makapagdesisyon nang maayos.

Aabot sa 10 porsiyento ng mga internet fraud ay may kaugnayan sa pekeng relasyon noong 2007.

Inamin ng PNP na nahihirapan silang resolbahin ang mga kasong ito dahil “nabubulag sa pag-ibig” ang mga biktima kung saan napagnanakawan sila ng malaking halaga.

Ayon sa U.S.-based Better Business Bureau, aabot sa $1 bilyon ang natangay ng mga suspek sa cyber love scams sa United States at Canada sa nagdaang tatlong taon.

“Be a smart social media user. Do not give important details such as your debit or credit card number. And don’t be afraid to come forward and file a complaint if you think you have been duped,” ani Marcos.

“As for our government agencies, they need to help victims file cases and be more proactive in cybercrime monitoring to prevent scams from happening. This is financial fraud at its manipulative worst,” dagdag pa ni Marcos. (BRT)