Para sa mga busy sa Valentine‘s Day kaya dehins makapagde-date, read n‘yo ‘to! 8 THINGS NA PUWEDENG

SIGURADONG may mga love bird d’yan na hindi ma­kapagse-celebrate sa Valentine’s Day dahil sa kabi-kabi­lang responsibilidad sa trabaho at pa­milya, gayundin na hindi natapat sa day-off nila ang Araw ng mga Puso. Hu-hu-hu! Pero, no need to worry dahil narito ang ilang date ideas na puwede nin­yong gawin kahit dehins n’yo kering mag-celebrate sa mismong Valen­tine’s Day:

1. ART GALLERY HOP. Masayang gawin ito nu’ng mga bata pa tayo dahil nakakikita tayo ng iba’t ibang sining, pero ngayong malaki na tayo, hindi ba mas nakatutu­wang gawin ito dahil ma­runong na tayong mag-appreciate ng mga bagay sa paligid natin? Magan­dang gawin itong muli, lalo na at kasama mo ang iyong special someone. Naks!

2. TRIP OUTSIDE CITY. Kung sawa na kayo sa environment ninyo sa trabaho o bet n’yo lang ma­masyal, oks na oks ito, lodi! Puwede kayong pu­munta sa mga malalapit na siyudad sa inyo at su­mubok ng mga kainan at pasyalan na bago sa in­yong panlasa.

3. VOLUNTEER. Kung pet lover kayong mag-partner, perfect ito para sa inyo dahil puwe­­deng-puwede ninyong yayain si boyfie na mag-volunteer. Kahit isang araw lang, siguradong worth it ‘yun dahil bukod sa ibang klaseng paraan ito ng pagde-date, eh, nakatulong pa kayo sa mga hayop na nanga­nga­ilangan ng pag-aalaga at kalinga.

4. INDOOR PIC­NIC. Kung kayo naman ‘yung tipo ng couple na hindi mahilig mamasyal, keri n’yo pa ring mag-date, paano? Mag-set-up kayo na para bang magpipiknik kayo sa labas, pero this time, sa loob lang kayo ng bahay at ihanda ninyo ang mga paborito nin­yong pagkain. Oks ito da­hil dehins n’yo kaila­ngang isipin kung magi­ging maulan o mainit sa araw na ‘yun. Oh, ‘di ba, bongga?

5. GET PHYSICAL. Siguradong may mga love bird diyan na adven­turous, kaya game na game sa mga physical activity. Kaya mga lodi, para sa kakaibang trip para mag-celebrate ng Valentine’s Day, why not na mag-ice skating o mag-rock climbing kayo? Sigu­radong mag-e-enjoy kayo rito.

6. SPA DAY. For sure, pareho kayong pagod at stressed sa kani-kanyang trabaho at responsibi­lidad, kaya it’s time para magpa-spa kayo. Sa ga­nitong paraan, magiging mas maganda ang mood ninyo nang sa gayun ay may iba pa kayong mga bagay na puwedeng ma­gawa sa araw na ito.

7. BAKE SOME TREATS. Kung si GF ay matagal nang gustong mag-bake para sa iyo, why not na samahan mo siya sa paggawa nito? Ma­­gandang paraan ito para gawin ang mga bagay na hindi ninyo regular na na­gagawa dahil sa pagi­ging busy sa kani-kan­yang tra­baho.

8. MAKE A ME­MORY BOOK. Perfect ito sa mga bro at sis natin diyan na mahilig kumuha ng mga litrato. Upang ga­win ito, kailangan may­roon kayong scrapbook na walang laman at si­yempre, camera! Para makalikom ng mga litra­to, i-print n’yo lamang ang mga picture ninyo nu’ng first date o favorite moments ninyong da­lawa. Magandang paraan ito upang mag-ipon ng mga alaala na magandang balikan paglipas ng pana­hon.

Dehins ninyo kaila­ngang malungkot dahil puwede pa rin kayong mag-celebrate kahit hindi sa mismong Araw ng mga Puso.

Hindi rin kailangan na maging bongga, basta ang importante, eh, kasa­ma ninyo ang isa’t isa.

Have a nice date! He-he-he!

Copy?