TSERMAN TINARAKAN SA LEEG, DEDO

PATAY ang isang kapitan ng barangay makaraan itong tarakan ng kutsilyo sa leeg sa Pili, Camarines Sur, kahapon.

Namatay ang 59-anyos na si Daniel Bismonte, habang isinusugod sa medical dispensary ng 9th Infantry Division-Philippine Army sa Camp Elias Angeles sa Pili.

Batay sa nakuhang report, pasado alas-12:00 ng hatinggabi nang mangyari ang insidente .

Nakita umanong may inaawat na isang lasing na lalaki ang kapitan bago nangyari ang pananaksak sa kanya.

Ayon kay Bicol Police Spokesperson Chief Insp. Maria Luisa Calubaquib, patuloy pa ang pagtugis sa suspek.