Budget ng DOH imbes dagdagan, tinapyasan pa, tsk-tsk-tsk!
IMBES NA DAGDAGAN ANG PONDO NG DOH, BINAWASAN PA — Tila propaganda lang ng Duterte gov’t. ang ipinakakalat nilang balita na libre ang pagpapagamot sa mga ospital na may “Malasakit Center”.
Paano mangyayaring libre ang pagpapagamot ng pasyente sa mga ospital na may “Malasakit Center”, eh, imbes na dagdagan ang budget ng Department of Health ngayong 2019 National Budget, binawasan pa ito ng P14 bilyon? Boom!
◘◘◘
MAS MALAKI PA ANG ‘PORK’ NG MGA PULITIKO KAYSA SA BUDGET PANGKALUSUGAN NG MAMAMAYAN — Ibinulgar ni Camarines Sur Rep. Rolando Andaya, Jr. na sa naaprubahang P3.757 trillion 2019 National Budget, ang P125 bilyon dito ay pork barrel na pagpaparte-partehan ng mga kongresista at senador.
Pambihira, mas malaki pa ang “pork” ng pork barrel politicians kaysa sa budget pangkalusugan ng mamamayan kasi ang inaprubahan lang ng budget department na pondo para sa DOH ay P74 bilyon lang, buwisit!
◘◘◘
PANGGAGAMIT NI ‘FLORENCE’ SA PANGALAN NI BATANGAS PD QUILATES, TULOY PA RIN — Hindi pa rin daw naglulubay si alyas Florence sa panggagamit sa pangalan ni Batangas PD Sr. Supt. Edwin Quilates para makapangolekta ng intelihensiya sa mga iligalista sa lalawigang ito.
Kung walang kinalaman si PD Quilates sa raket ni “Florence”, dapat ipatokhang na niya ang “tongpats” collector na ito, period!
Comments