APAT ANG PUWEDENG PAGPILIAN NI PACMAN SA SUSUNOD NA LABAN

NOONG nakaraang huling bahagi ng taon, nagparamdam si dating pound for pound number one boxer Floyd Mayweather sa social media sa pamamagitan ng iba’t ibang videos na babalik daw siya sa boksing para sa Manny Pacquiao rematch.

Pero hindi naman natupad dahil mas pinili ni Floyd na sagupain sa exhibition match ang Hapones noong Dis. 31, 2018.

Kasunod ng panalo ni Pacman kontra Adrien Broner sa Las Vegas noong Enero, si Floyd ay nanood pa sa laban pero hindi na naging interesado pa sa rematch na una niyang pinangangako noon.

Nang lumagda si Pacman sa adviser ni Mayweather na si Al Haymon noong nakaraang taon, marami na ang umasang ang dalawa ay maglalaban pero ayon na rin sa strength and conditioner ni Pacman na si Justin Fortune ay hindi na ganun ang mangyayari.

Sa pagsasalita ni Fortune sa Barbershop Conversations, “I think whoever’s next out there, personally I don’t see Floyd coming back, but there’s Thurman, Porter and Danny Garcia. There good fights, they’re tough fights.

If Thurman gets on a roll, as with Danny — he’s very hard, very hard to beat. Good fighter. Spence — great fighter. There’s some good fights out there for Manny. Some tough ones but some good, winnable fights.”

Tatlo sa mga laban na iyon ni Pacman ay iaargumento na malakas ang Pinoy at may disenteng tsansa na magwagi.

Kahit na sa edad 40 pa sa kanyang pro boxing career ang Pinoy. Malapit-lapit na si Spence ang mapili ng kampo ni Pacman. Lalaban si Spence kay Mikey Garcia sa Marso sa Texas. (MC )