GET YOUR CHILD INTO SPORTS SUMMER CLINIC SA BEST CENTER

PANAHON na nang summer at panahon na rin ng outdoor sports sa pama­magitan ng nationwide “Get Your Child into Sports” sum­mer clinic tampok ang 30,000 mga kabataan na maglalaro sa 22 sports sa masusing gabay ng coaches na graduates ng Best Center.

Mag-uumpisa ang pi­nakamahabang running summer sports activities na inilunsad ng Milo sa kata­pusan ng Marso habang na­kabakasyon ang mga mag-aaral sa tulong ng DepEd Culture and Sports.

“We initiated this holis­tic and worthy sports un­dertaking ostensibly to get the youth indulge actively in sports instead wasting their times in digital and other distraction during class vacation,” sabi ni Milo Mar­keting Manager Lester Cas­tillo sa presscon na dinalu­han din ni DECS Under­sec­retary Tonisito Umali.

Ang mga sports ay bad­minton, basketball, chess, fencing, football, futsal, golf, gymnastics, karatedo, lawn tennis, parkour, swimming, table tennis, taekwondo, touch rugby at volleyball. Isinama ang arnis, ultimate Frisbee at wushu upang ma­bigyan ng pagkakataon ang mga mahihilig sa tatlong sports na makapag-enjoy ha­bang nakabakasyon.

Gagawin ang summer sports clinic sa mahigit 700 venues sa Luzon, Visayas at Mindanao.

Ang nasabing programa ay nakapag-prodyus na ng outstanding athletes tulad nina PBA player Chris Tiu, taekwondo specialist Jo­­seph Lizardo at gymnast SEA Games gold medallist Kaith­lyn de Guzman.