Generation Z ang dapat makialam sa 2019 elections, period!

KA AMBO / BISTADO

MAGSISIMULA na ang formal at official campaign period sa mga senatorial election at partylist system.

Hindi sana dumanak ang dugo, bagkus ay salapi ang dumanak!

◘◘◘

KAPOS na ang panahon at resources para maikampanya ang botante sa higit na 7,000 isla sa Pilipinas.

Meaning, tanging “media” na lang ang pag-asa ng mga kandidato!

◘◘◘

MALAWAK na ang kahulugan ng “media” ngayon kumpara sa sa nagdaang 20 taon.

Dati-rati, ang media ay tumutukoy lamang sa radio, TV at newspaper, pero ngayon ay nakapasok na ang cyberspace at telecoms!

◘◘◘

KAHIT cyberspace ay sumali­muot dahil papasok na rito ang computer, cellphone at iba pang gadgets.

Hindi pa rito kasama ang hindi maunawaang applications, software at kung anu-anong hi-tech na sistema!

◘◘◘

NAPAG-IWANAN na ng panahon ang mga matatanda dahil hindi nila nauunawaan ang “daigdig” na ginagalawan ng millennials na siyang hahatol sa mga kandidato.

Nakahihiya man sabihin, nai­wan at nalipasan na rin ng pana­hon ang mismong mga “kandi­dato” na nangangahas na gumawa ng batas!

◘◘◘

KUNG kapos ang pang-unawa ng mismong kandidato sa pagka-senador na esensiya ng moder­ninasyon, paano sila makagagawa ng “maayos at tumpak” na batas?

Maging ang huwes, abogado at ehekutibo ng gobyerno ay kapos ng kaalaman sa "Generation Z”, kaya nagkakaletse-letse ang pamahalaan at lipunan.

Nagdudunung-dunungan la­mang ang mga “opisyal” ng gob­yer­no sa sitwasyong sila ay mangmang at walang alam!

◘◘◘

MALINAW ngayon na dapat millennials at “Generation Z” ang ha­hawak ng gobyerno upang makasabay tayo sa pagbabago sa daigdig.

Maging ang daigdig ay pina­ngangasiwaan ng mga “lipas at laos nang lider”.

Ang kaguluhan ng daigdig ay dahil sa kahinaan at kamang­mangan ng “decision makers”!

◘◘◘

KAILANGANG baguhin ang mga batas at bigyan ng maluwag na oportunidad ang millennials na maging bahagi sa pagdedesisyon.

Ngayon, ang mga lider ng “Gene­ration Z” ay dapat nang makialam at mangahas dahil sila ang mapeperhuwisyo sa mga palpak na batas na gagawin ng mga bopol na kandidato ngayon 2019 elections!