2K ENTRIES, HAHATAW NA SA PRIMA BADMINTON C’SHIPS

MAY 2,000 ang entries mula sa iba’t ibang dako ng bansa kabilang na ang mga top players ang inaasahan na sasabak sa hatawan sa 12th Prima Pasta Badmin­ton Championships na nakatakda sa Peb. 22, 23, 24, 25 at Marso 2 at 3 sa Powersmash badminton courts sa Chino Roces Avenue, Makati City.

Aabangan ang tikas nina Rabie Jayson Oba-ob at Sarah Joy Barredo na pawang mga singles open defending champions sa men’s at women’s singles open kung saan ang event ay magpapaligsahan sa Men’s Doubles at Mixed Doubles mula Open class, Levels A to G, habang ang Open Class at Levels B to F ay paglalabanan sa Wo­men’s Doubles.

Ang open singles ay available sa men’s and wo­men’s category.

Mayroon ding boys’ and girls’ singles events para sa Under 19, 17, 15, 13 at 11 categories, habang ang boys’ at girls’ doubles ay para sa Under 19, 17 at Under 15.

Ang lahat ng events na ito ay idaraos mula Peb. 22 hanggang 25.

Ang non-gender doubles event, ang pinag­sa­mang edad hanggang 100 ay itatampok din sa torneo.

Ang minimum age sa tor­neo ay 30.

Pagkakalooban ng tropeo, medalya at gift checks ang mga magwa­wagi at runner-ups sa la­hat ng events. (VA / MC)