2 kelot todas sa riding-in-tandem
Pabs Hernandez III
Feb 8, 2019
1 min read
SULTAN KUDARAT—Dalawang lalaki ang namatay nang pagbabarilin ng riding-in-tandem, kamakalawa sa Bgy. Tambak, Lambayong sa lalawigang ito.
Kinilala ang mga biktima na sina Andy Pagayukan at Kuwatro Apeg, kapwa residente sa nasabing barangay.
Ayon sa ulat, uminom sa tindahan sina Pagayukan at Apeg nang sumulpot ang dalawang hindi kilalang salarin na nakasakay sa motorsiklo at agad pinagbabaril ang dalawang biktima.
Dinala pa ng mga saksi sa ospital sina Pagayukan at Apeg, pero kapwa sila idineklarang dead-on-arrival sa pagamutan.
Comments