TOPS, KIKILATISIN ANG TATAG NG D-LEAGUE

MAKILATIS ang ka­tatagan ng mga koponan sa PBA D-League sa pag­bisita ni PBA Commis­sioner Willie Marcial at team coaches sa “Usa­­pang Sports” ng Tabloid Organization in Philippine Sports (TOPS) ngayong Huwebes Peb. 7 sa Na­tio­nal Press Club sa Intra­muros.

Magbibigay ng kani­lang pananaw at progra­ma ang mga opisyal ng 20 koponan, habang magla­lahad ng kanyang obser­basyon sa kahandaan ng liga na magbubukas sa Araw ng mga Puso sa Peb. 14 sa Ynares Sports Are­na sa Pasig City.

Dadalo rin sa progra­ma na nakatakda ganap na 10:00 a.m. si PBA Deputy Director Eric Castro. Ka­sama rin ang mga coach na sina Bonnie Tan (Pet­ron-Letran), Frankie Lim (Perpetual Help), Rensy Bajar (Diliman College-Gerry’s Grill), Yong Gar­cia (Marinerong Pilipino), Jino Manansala (St. Clare-Virtual Reality), Mark Her­rera (AMA University) at Alvin Grey (Trinity Uni­versity-The Masterpiece) at Jude Roque (San Beda).

Ang TOPS ‘Usapang Sports’ ay suportado ng Phi­lippine Sports Com­mission (PSC), sa pamu­muno ni Chairman Wil­liam “Butch” Ramirez at National Press Club (NPC), sa pangangasiwa ni Ro­lando “Lakay” Gonzalo at Kamuning Bakery.

Ang media sports or­ganization ay binubuo ng mga lehitimong editors, reporters, columnists at pho­tographers ng mga pangunahing tabloid na pahayagan sa bansa, ka­akibat ang PTV-4 at ilang broadsheet newspapers.