PASCUAL, LUMIDER SA PANALO NG ACES KONTRA COLUMBIAN

NAKABANGON agad sa pagkakadapa ang Alaska Aces matapos nilang pa­gulu­ngin ang Columbian Dyip, 94-72 kagabi sa 2019 PBA Philippine Cup sa Mall of Asia Arena, Pasay City.

Nagtala ng double-double si Jake Pascual na 13 points, 13 rebounds at dalawang assists upang tulungan ang Aces na ilista ang 1-1 karta habang bu­ma­kas si Carl Bryan Cruz ng 20 puntos at siyam na rebounds.

Lugmok sa unang la­ro ngayong conference ang Alaska, yumu­ko sila sa Rain or Shine, 72-85 no­ong Linggo sa pare­hong lugar.

Kumana si rookie CJ Perez ng 15 markers at limang rebounds para sa Dyip na nalasap ang pa­ngatlong sunod na talo, may kinana si Jackson Corpuz na 12 pts. at anim na boards.

Tangan ng Colum­bian ang 2-4 record.

Idinaan ng Aces sa bilis sa unang dalawang quarters kaya nahawa­kan nila ang 10-point lead, 46-36 sa halftime.

Ginanahan ang Alas­ka sa third canto, naka­pagtala ng 22-14 ben­tahe para uma­­­lag­wa ang kanilang la­mang, 68-50 papasok ng fourth.

Lalong ibinaon ng Aces ang Dyip sa payoff period, kung saan naka­lamang sila ng 30 pun­tos, 89-59 mula sa lay up ni Cruz may 4:01 minuto na lang sa laban.

Sa ikalawang laro, nila­sheng ng San Miguel Beer­men ang Blackwater Elite 93-79. Best Player of the Game si JuneMar Fajar­do sa 20 puntos.

Mga laro bukas: (Mall of Asia Arena) 4:30 p.m. Phoenix Fuel Masters vs. NLEX Road Warriors 7:00 p.m. - Rain or Shine Elasto Painters vs. Nort Port Batang Pier. (ATD)