Pagsabog non-stop, tsk-tsk-tsk!
TATLONG pagsabog ang naganap sa Lanao del Norte.
Anubayan?
◘◘◘
PUMORMA na ang “otso diretso”.
Hindi kaya magka-otso-otso?
◘◘◘
PINAKAKASUHAN si ex-P-Noy at dalawa pang gabinete nito sa Dengvaxia scam.
Para hindi makalaboso, kailangan nila ng mahusay na doktor!
◘◘◘
TAKOT na ang mga bata at nanay na magpabakuna.
Malaking krisis ‘yan!
◘◘◘
ISANG malaking isyu ang drug war sa kampanyahan.
Kung paano, ipaliliwanag ay siyang hahatol kung mananalo sa eleksiyon o hindi!
◘◘◘
BUWAN ngayon ng mga puso.
At buwan din ng mga “walang puso”!
◘◘◘
HINDI malinaw kung ano ang kauuwian ng Bangsamoro Organic Law.
Kasi sinalubong ito ng serye ng mga pambobomba!
◘◘◘
MATAPOS ang Mayo, higit na matindi ang magiging girian sa 2022 Presidential Elections.
Ang resulta ng 2019 Midterm Elections ang panukat sa 2022!
◘◘◘
MARAMI ang pumupuri sa paglilinis sa Manila Bay.
Sana linisin din ang lahat ng ilog sa Metro Manila na patungo sa Manila Bay!
◘◘◘
NAPAKARUMI ng mga ilog at estero.
Kapag nalinis ‘yan, malaking achievements ito ng Duterte administration!
◘◘◘
PERO, dapat hindi kalimutan ang pagpanot sa bundok at illegal mining sa kabundukan.
Higit pa rin mahalaga ay maipreserba ang kabundukan mula sa illegal loggers at illegal miners!
◘◘◘
MAHALAGANG ipalinis din ng DENR ang mababaho at kontaminadong “basement ng mga condo at dambuhalang gusali sa Metro Manila.
Ubod nang baho ang basement ng mga condo!
◘◘◘
DAPAT siyasatin ng DENR kung saan nagtatapon ng “waste materials” ang mga condo at dambuhalang gusali.
Halimbawa, ang dambuhalang mall sa reclamation area, saan ito nagtatapon ng waste materials?
Comments