Kagawad natagpuang patay

ISABELA—Isang kagawad ang natagpuang patay, kamakalawa sa Bgy. San Ambrosio, Angadanan sa lalawigang ito.

Ang biktima ay kinilalang si Kagawad Danilo de Leon, residente ng nabanggit na barangay.

Ayon sa ulat, ilang residente ang nakatagpo sa duguang bangkay ni De Leon na may tama ng bala sa katawan.

Nagsasagawa na ngayon ng imbestigasyon ang mga awtoridad upang madakip ang suspek at mabatid ang motibo sa krimen.