Mga pekeng PNP rubber shoes, nakumpiska

NASABAT ng pamunu­an ng PNP-Criminal Investi­gation and Detection Group ang nasa mahigit isandaang pares ng huwad na PNP rub­ber shoes sa inilatag na en­trap­ment operation sa Que­zon City.

Nagkakahalaga umano ang mga nakumpiskang coun­terfeit shoes ng P170,000 at ibinebenta umano sa hindi miyembro ng pulisya.

Kasabay ng operasyon ang pagkakaaresto sa tat­long suspek na sina Mark Cor­poral, 33; Lorenzo Ce­lestial, 35, at Rail Ramirez, 25.

Ayon kay CIDG Direc­tor Chief Supt. Amador Cor­pus, ang mga orihinal na pares ng sapatos ay eksklu­si­bo lamang sa mga miyem­bro ng PNP.

Nauna rito, nakatanggap ng reklamo ang pulisya ma­tapos humingi ng saklolo ang JP Group of Companies, In­corporated na isa sa mga opisyal na manufacturer ng PNP rubber shoes.

Ayon sa kumpanya, ibinebenta ang mga sapatos sa ilang shoe outlets.

Dahil dito, naaresto ang tatlong suspek na nag-deliver ng mga counterfeit shoes sa isang undercover police officer.