GENSAN JIN, NAKA-3 GOLD SA BATANG PINOY DAVAO

HUMAKOT ng tatlong gintong medalya ang pam­bato ng General Santos City sa taekwondo sa ikalawang araw ng kompetisyon sa 2019 Batang Pinoy Minda­nao Leg na ginaganap sa Davao del Norte Sports Complex dito.

Pinasadahan agad ni National Junior Pool member na si Paul Anthony Rodri­guez ng General Santos City, ang pagsungkit ng ikatlong gintong medalya sa taek­wondo, kung saan pinagha­rian niya ang tatlong events, ang junior pair , junior team at individual junior poomsae event kahapon. Hindi inaasahan ng 13-anyos na si Rodriguez ang kanyang pagkopo ng tatlong gintong medalya sa mga nasabing events gayung aniya ay wala siyang pahinga sa kakaensayo. “Surprised po ako kasi talagang naghi­rap po kami sa training,” ayon sa grade 7 student ng Holy Trinity College ng General Santos City. “Six times a week po kung mag ensayo kami,” aniya.

Gayunman ay hindi naman bago kay Rodriguez ang makakuha ng ginto sa taekwondo dahil noong nakaraang 2018 Batang Pinoy National Finals na gi­nanap sa Baguio ay nakada­lawang ginto siya, pati na sa 2018 Mindanao leg sa Oro­quieta City.

Naging inspirasyon ni Rodriguez ang kanyang mga kapatid na pawang taekwondo jins at plano niyang ipagpa­tuloy ang kanyang paglalaro ng nasabing sport upang makadayo sa ibang bansa. “Pangarap ko po na maka­paglaro sa ibang bansa balang araw, at maging kinatawan ng bansa natin,” dagdag pa ng pambato ng GenSan. (ATD/MC)