Panawagan sa mga botante, huwag magpabola sa mga kandidatong mapagsamantala!

RYAN B. SISON / BOSES

SA ngayon ay malaya ang mga kan­didato na ikampanya ang kanilang mga sarili sa ka­hit anong paraan, ito ay dahil na rin na walang batas na sumusuporta para sila ay pag­bawalan.

Nito lamang, kahit hindi pa nagsisi­mula ang campaign period ay marami ng kandidato ang nagpapa-feature ng kanilang talambuhay sa mga telebisyon kung saan may gumawa pa ng pelikula, nagkaroon ng T.V. guestings at marami pang iba.

Ang tanong, bakit ngayon lang kung kailan malapit na ang eleksiyon? Hmmm…

Gayunman, ayon kay Comelec Spokes­man James Jimenez, hindi pa ito mai­tuturing na paglabag sa RA 9006 o Fair Elections Act dahil hindi pa naman nag­sisimula ang campaign period, ‘yun lang, lusot na naman! He-he-he!

Samantala, lahat ng tao ay may kani-kan­yang pinagdaanan sa buhay, pero hin­di ru’n maibabase para masabi nating nararapat na silang maupo sa puwesto o iboto ng mamama­yan, mainam pa rin na ang iboboto ng taum­bayan ay ‘yung kandidato na mula nu’ng na­kilala ng ka­ramihan ay maganda na talaga ang nai­tu­long sa bayan, hindi lang dahil tung­kulin nila ito kundi dahil bukas ito sa kanilang puso.

Kasabay nito, alam nating lahat na malaki ang impluwensiya ng media sa mga tao, hindi lamang sa mga kabataan kundi pati na rin sa mga nakatatanda, kaya dapat maging bukas ang ating isip nang sa gayun ay hindi tayo madaling mabola, mauto at mapagsaman­talahan.

Gayundin, ang panawagan natin para sa lahat, maging matalino tayo, karapa­tan na­ting magkaroon ng sariling de­sisyon para bumoto at piliin kung sino ang karapat-dapat na kandidato.

Dapat ding magkaroon ng iisang boses ang mamamayan para sa mas maayos at ma­gandang bayan!

Para sa inyong opinyon, sumbong, hinaing o nais hinging tulong ito ang pagkakataong marinig ang inyong boses, sumulat lamang sa BOSES ni RYAN SISON at ipadala sa Bulgar Bldg. 538 Quezon Avenue, Quezon City o mag-email sa boses.bulgar@gmail.com.