Kahit gaano pa ito kasarap, mga besh... PAGKAIN NG FRIED CHICKEN, SANHI NG KANSER!

Jersey Sanchez / Gulat ka 'noh?!

HINDI natin maitatanggi na mula bata hanggang sa matanda, eh, hindi inaaya­wan ang fried chicken dahil ito ang isa sa mga nakasanayan nating ulamin o ipares sa spaghetti kapag may handaan. Yum­mers! Marahil, ang iba sa atin ay bihirang kumain ng pritong manok, for sure, mayroon ding halos inaraw-araw na ang pagkain nito. Pero, knows ba ninyo na ang mada­las na pagkain ng pritong ma­nok ay may kaugnayan sa ma­agang pagkama­tay? Hala!

Ayon sa pag-aaral, ang madalas na pagkain ng fried chicken ay nakapag­pa­pataas ng tsansa ng maagang pagka­matay ng kababaihan.

Isang pag-aaral ang isinagawa ng mga researcher na tumagal ng 18 taon kung saan sinuri ng mga ito ang data tungkol sa diet ng mahigit 100,000 kaba­baihan na nasa edad 50 hanggang 79.

Partikular na sinuri ng mga resear­cher kung gaano kadalas kumain ang mga ito ng mga pritong pagkain, partikular ang manok, isda, french fries, chips at tacos.

Sa loob ng 18 taon, habang isinasa­gawa ang pag-aaral, 31,588 kalahok ang namatay kung saan 8,358 sa mga ito ay dahil sa sakit sa puso.

Matapos suriin ang mga klase ng ka­nilang pamumuhay, uri ng diet, educa­tional attainment at salary, nakita sa re­sulta na ang regular na pag-intake ng mga pritong pagkain ay may ka­ugnayan sa maagang pag­kamatay.

Gayunman, partikular ito sa mga tao na kumakain nang mas marami sa isang serving sa loob ng isang araw kung saan mas mataas ng 8 porsiyento ang tsansa ng maagang pagkamatay.

Bagama’t, hindi pa natutuklasan ng mga researcher ang kaugnayan ng pag­kahilig sa mga pritong pagkain sa pag­kakaroon ng kanser, ang araw-araw na pagkain ng pritong manok ay mayroong 13 porsiyentong tsansa ng maagang pag­kamatay habang 12 porsiyento ang tsansa ng pagkaka­roon ng sakit sa puso.

Ayon sa mga researcher, ang mga ka­lahok na madalas kumain ng mga pritong pagkain ay mahina rin umanong kumain ng gulay at prutas, mahilig sa ma­tatamis na inumin, gayundin ang maaalat at pro­cessed na mga pagkain.

Samantala, ayon sa mga eksperto, ang madalas na pagkain ng fried foods ay maaaring maging sanhi ng mabilis na pagtaas ng timbang at iba pang prob­lema sa kalusugan tulad ng mataas na cholesterol, high blood pressure at Type 2 diabetes.

Bagama’t, hindi nawawala ang pa­nganib mula sa maagang kamatayan ng pagkahilig sa iba’t ibang uri ng mga pritong pagkain, ini­rerekomenda ng mga eksperto ang ibang paraan ng pag­luluto ng mga pagkain — ka­bilang na rito ang pagbe-bake at pag-iihaw.

Mga lodi, hindi naman daw masamang kumain ng fried chicken kung paminsan-minsan lang, make sure lang na hindi natin ito aaraw-arawin.

Gayundin, subukan natin ang iba’t ibang paraan ng pagluluto ng pagkain nang sa gayun ay hindi tayo mag­sawa sa prito.

Magandang paraan din ito upang mabawasan ang mantika na mai-intake natin.

Gets mo?