Tricycle driver binaril sa tapat ng iskul, dedbol

PATAY ang 51-anyos na tricycle driver makaraang barilin sa tapat ng isang paaralan ng dalawang lalaking maskarado na nakasakay sa motorsiklo kamakalawa ng hapon sa Sta. Ana, Manila.

Dead-on-the-spot si Reynaldo Morales, residente ng naturang lugar sanhi ng tama ng bala sa kanang mata.

Batay sa imbestigasyon ni SPO3 Jonathan Bautista, alas-4:05 ng hapon nang mangyari ang krimen sa harapan ng Villamor High School sa San Andres Bukid Extension.

Agad namang tumakas ang mga suspek patungo sa Pasig Line.

Aminado ang mga kaanak na dating gumagamit ng ipinagbabawal na droga ang biktima.

Patuloy ang imbestigasyon ng pulisya sa pagkakakilanlan ng mga suspek at motibo sa pagpaslang sa biktima.