NLEX, DINALE ANG BOLTS

PAHIRAPANG sinagasaan ng NLEX Road Warriors ang 87-83 panalo laban sa Meralco Bolts sa PBA Philippine Cup sa Ynares Center, Antipolo.

Kumayod si Poy Erram ng 12 points, 8 rebounds, 7 assists at 5 blocks upang akbayan ang Road Warriors na sikwatin ang 2-game winning streak at ilista ang 2-3 karta.

Humugot ng puwersa ang NLEX sa 4th quarter upang ipalasap sa Bolts ang pangatlong talo sa 5 laro. Dikitan ang banatan sa unang dalawang periods, lamang lang ng 3 puntos ang Meral­co, 37-34. Nagpatuloy ang maini­tang bakbakan sa 3rd at nasa unahan pa rin ang Bolts, 64-61 papasok ng 4th. Namuno sa opensa para sa Bolts si Jared Dil­linger matapos kumana ng 16 markers at 6 rebounds.

Samantala, sisimulan ng Magnolia at Alaska ang kampanya ngayong conference pagharap nila sa mag­kahiwalay na ka­tunggali. Unang salang ng Hotshots at Aces sa hard­court maka­kaharap nila ang TNT sa 6:45 p.m. at Rain or Shine sa 4:30 p.m.

Para kay Magnolia head coach Chito Victo­lero, naka­handa sila pero kahit paano ay iniisip pa rin nila na medyo matagal silang napahinga sa aktu­wal na laban sapul nang magkam­peon sa Gover­nor’s Cup. May bagong miyem­bro ang Hotshots, ito’y si rookie Michael Calisa­an mula sa San Sebastian College.

“We’re okay, concerned lang namin ang rhythm, timing and conditioning as this is our first game in over a month,” saad ni Victolero. “But I think we’re ready. Impor­tante ang mindset.” Ha­wak ng KaTropa ang 2-3 card habang may 3-1 karta ang E-Painters.

Samantala, tinambakan ng Ginebra Gin Kings ang Columbian Dyip sa bisa ng 97-85 iskor. Bumida sa laro si Greg Slaughter sa 22 puntos. (ATD)