Pulis suma-sideline na tulak, todas

ISANG aktibong pulis na nakatalaga sa Laguna Provincial Police Office (LPPO) ang napatay ng kan­yang mga kabaro sa isina­gawang buy-bust operation sa Sta. Cruz, Laguna kaha­pon ng umaga.

Dead-on-the-spot sa lugar ng engkuwentro ang suspek na si PO3 Jennyson Soriano, 45, residente ng Pag­sanjan, Laguna at nakata­laga bilang base police sa loob ng Provincial Police Head­quarters.

Ayon kay Senior Supt. Elea­zar Matta, matagal na umanong sangkot sa iligal na kalakalan ng shabu ang suspek, partikular sa ikaapat na distrito ng Laguna.

Isinasangkot din ang na­patay na pulis bilang sup­plier at protektor ng illegal drug trade sa lugar kung saan pinangalanan siya sa alyas Sir.

Ikinasa ang operasyon ng mga operatiba ng Intelligence Unit at Drug Enforcement Unit laban kay Soriano pa­sado alas-8:00 ng umaga sa bahagi ng Bgy. Bubukal na ilang metro lamang ang layo sa provincial police head­quarters.

Nasa limang gramo ng shabu na nagkakahalagang P7,000 ang naibenta ni So­riano sa isang undercover police agent subalit, huli na nang malamang kapwa pulis nito ang kanyang katransak­siyon.

Dito na bumunot ng baril si Soriano na isang .9mm pistola na inunahan na ng pu­tok ng ilang mga nakaanta­bay na aw­toridad sa lugar.

Napag-alaman na tuwing off duty si Soriano ay ang pag­tutulak ng droga ang kan­yang sideline.