Napagkamalang asset, dayo tinodas

PATAY ang isang lalaking dayo sa lugar, kahapon ng madaling-araw sa Baseco Compound, Port Area, Manila.

Inilarawan ni PO3 Marlon San Pedro, ang biktima na nasa edad 35-38, naka-gray na t-shirt; gray jogging pants at nasa 5’7” ang taas.

Batay sa imbestigasyon, alas-3:00 ng madaling-araw nang mangyari ang insidente malapit sa Ninoy Aquino Elementary School sa Blk.15A, Baseco Compound, Port Area.

Hinalang napagkamalang asset ng pulis ang napatay na biktima dahil hindi umano ito kilala sa lugar.

Patuloy namang inaalam ang pagkakakilanlan ng gunman na tumakas matapos ang insidente.

Dinala ang bangkay ng biktima sa Archangel funeral para sa awtopsiya at safekeeping.