Kung kailan maaaring mabawi ang lisensiya bilang manggugubat
Dear Chief Acosta, Magandang araw! Matagal nang manggugubat ang aking tatay ngunit, nahinto siya dahil kinakailangan niya ng panibagong lisensiya. Nais kong malaman kung ilang taon bago maisyung muli ang binawing lisensiya ng manggugubat? — Henry
Dear Henry, Para sa inyong kaalaman, ang batas na nakasasaklaw sa inyong katanungan ay ang Republic Act (R.A.) No. 10690 o mas kilala sa tawag na Forestry Profession Act. Nakasaad sa Section 22 nito na:
“Section 22. Reissuance of Revoked Certificate of Registration, Replacement of Lost or Damaged Certificate of Registration, Professional Identification Card or Temporary/Special Permit. – The Board may, upon petition, reinstate or reissue a revoked certificate of registration after two (2) years from the effectivity of the period for revocation, which is the date of surrender of the certificate and professional identification card if still valid, to the Board and the PRC. The Board may not require the holder thereof to take another licensure examination. The petitioner shall prove to the Board that there are valid reasons to practice the profession. The Board shall issue a Board resolution for granting the petition, subject to the approval of the PRC.”
Samakatwid, maaaring muling mag-isyu ng lisensiya o Certificate of Registration ang Board for Foresters pagkatapos ng dalawang (2) taon mula noong ito ay binawi. Ang lisensiyadong manggugubat o licensed forester ay kailangang magsumite ng petisyon sa board na naglalaman ng mga balidong dahilan para sa muling pag-isyu nito. Maglalabas ang board ng resolusyon na pumapayag para rito at kinakailangan din na ito ay aprubado ng Professional Regulations Commission.
Nawa ay nasagot namin ang inyong katanungan. Nais naming ipaalala sa inyo na ang opinyong ito ay nakabase sa inyong mga naisalaysay sa inyong liham at sa pagkakaintindi namin dito. Maaaring maiba ang opinyon kung mayroong karagdagang impormasyong ibibigay. Mas mainam kung personal kayong sasangguni sa abogado.
Maraming salamat sa inyong patuloy na pagtitiwala.
Comments