Sekyu nag-suicide sa bahay

ALBAY—Isang security guard ang nagpakamatay sa pamamagitan nang pagbaril sa sarili sa loob ng kanilang bahay, kamakalawa sa Bgy. Cabangan, Legazpi City sa lalawigang ito.

Nakilala ang biktima na si Ranilo Latosa, residente ng naturang barangay.

Ayon sa ulat, narinig ng mga kamag-anak ni Latosa ang putok ng baril na nagmula sa kuwarto ng biktima at nang puntahan ay dito nila natagpuan ang duguan nitong bangkay.

Iniimbestigahan na ng mga awtoridad ang motibo ng biktima sa pagpapakamatay.