DIAZ, GAGAMAYIN NA ANG KLIMA SA CHINA TRAINING SA PEBRERO

Photo : Twitter (@diaz_hidilyn)

NAKATAKDANG umalis si Brazil Olympics silver at Asian Games gold medalist Hidilyn Diaz sa unang linggo ng February papuntang China para mag-training ng dalawang buwan sa Hainan malapit sa Hong Kong at Guangzhou kung saan ginawa ang 2010 Asian Games at gumanap siyang flag bearer.

Ang dalawang buwang training ay bilang pagha­handa sa dalawang Olym­pics qualifying competitions na gagawin sa Nimbo (Chi­na) sa Abril at Thailand sa Setyembre.

Sasamahan si Diaz ni Chinese coach Kai Wen Gao para masusing masubayba­yan ang kanyang training at mabigyan ng magagandang tips kung saan lalahok ang 27-anyos na lifter anak ng tricycle driver na taga Zam­boanga sa 53 kilograms.

“Seryoso at dibdiban ang training ko dahil gusto kong makalahok sa 2020 Tokyo Olympics,” sabi ni Diaz sa eksklusibong pana­yam ha­bang naglalakad pa­punta sa kanyang quarters.

Si Diaz ay isa sa mga atletang nahirang bilang “PSA Athletes of the Year” kasama sina fellow Asian Games gold medallists Mar­gilyn Didal at Filipino-Japa­nese Yuka Saso na gagawin sa ikatlong linggo ng Peb­rero sa Manila Hotel.

Sinabi Diaz na mga lif­ters mula 30 mga bansa ang kalahok sa torneo na gaga­win sa Nimbo at Thailand at lahat ay determinadong maging matagumpay sa 2020 Tokyo Olympics kung saan nanalo si boxer An­thony Villanueva ng pilak noong 1964. “I will accom­pany Hidilyn so that I can attain to her training and gives her pointers,” sabi ni Gao.

Si Gao ang coach kasa­ma si 1988 Seoul Olympian Gregorio Colonia nang mag­wagi si Diaz ng ginto sa na­karaang Asian Games sa Indonesia at ginto sa Asian Indoor Games at Martial Arts na ginawa sa Turkme­nis­tan.

Ang dalawang bu­wang training ay kasama sa pag­hahanda sa 2019 South­east Asian Games kung saan si Diaz ang outstanding fa­vorite dahil sa kanyang ma­lawak na karanasan.

Sinabi ni Diaz na ang 2020 Tokyo Olympics ang huling competition na sasa­lihan niya bago magretiro.

“Hindi na ako bata. Pana­hon na para lisanin ko ang weightlifting at bigyang daan ang mga bata nang pagkakataon na lumaban sa labas,” sabi ni Diaz na magdiriwang ng kanyang ika-28 kaarawan sa Peb. 15.

“Regular ang ensayo ko morning and afternoon to keep me in top form. Sa uma­ga jogging at afternoon pagbuhat nang barbell. Ka­ilangan at malaking bagay ang jogging para gumana lahat,” ani Diaz.