TALENT SEARCH NG GO-FOR-GOLD PARA MAGING FUTURE TRIATHLETES

PAGDISKUBRE para sa bagong international triathlon champion ang pakay ng Go-for-Gold Philippines kung kaya ang Sunrise Sprint races ay iniskedyul na sa Cebu, Davao at Subic ngayong taon upang magsilbing talent search platform para sa susunod na matutuklasang kampeon na tulad ni Nikko Huelgas.

“I’m looking forward to discover diamonds in the rough and find another Nikko Huelgas,’’ ayon kay Go For Gold godfather Jeremy Go.

Target ni Huelgas ang back-to-back Southeast Asian Games men’s triathlon champion ang ikatlong straight gold medal sa SEAG na idaraos sa Pilipinas sa Nobyembre 2019.

Ang naturang team events ay lalawig pa ng hanggang tatlong taon at itataguyod nila ang 5150 triathlon races sa Abril 28 sa Cebu, Hulyo 7 sa Davao at sa Nob. 3 sa Subic Bay. Ang 5150 ay isang Olympic distance race.

Idinagdag ni Go na ang top performers sa open category (15 years old and above) ng karera ay lalarga sa Go-For-Gold triathlon team kasama si Huelgas at iba pang national team members tulad nina John Chicano at Kim Remolino.

Sa kanyang 10th year bilang elite triathlete, nais ni Huelgas na magsanay ng triathletes na didiskubrehin sa karerang ito para sa initial three-year program.

“I won’t be able to win the 2017 SEA Games if not for the full support of Go For Gold. But it’s not only about delivering medals and bringing pride to the country. It’s also about sustaining the program. `As a veteran triathlete, my role is to help sustain the success by inspiring and mentoring a new generation of triathletes to become world-class,” ani Huelgas.

Ang mga kalahok sa Go For Gold Sunrise Sprint ay dapat kumumpleto ng 750-meter swim, 20-kilometer bike at 5km run challenge. (MC)