DYIP, NILUNOD ANG BATANG PIER

IPINAKITA ng Colum­bian Dyip na hindi tsamba ang kanilang panalo laban sa heavyweight na San Miguel Beer sa kanilang unang laban.

Pitong Dyip players ang umiskor ng double-digit upang sagasaan ang 110-100 panalo kontra NorthPort Batang Pier kagabi sa 2019 PBA Philippine Cup sa Ynares Center, Antipolo City. Nagtala ng tig-15 points sina Reden Celda, Jackson Corpuz at Jeepy Faundo habang 14 markers, 12 assists at anim na rebounds ang inambag ni Rashawn McCarthy para sa Colum­bian.

Nagtala rin si Dyip super rookie CJ Perez ng 12 pts., pitong boards at apat na assists habang may tig-12 puntos din sina JP Calvo at Eric Camson.

Pilit na kumakapit ang Columbian sa unang dala­wang periods kung saan apat na puntos lang ang kanilang hinahabol, 51-55.

Sa third natupad ang hangad ng Dyip na maa­gaw ang bandera, huma­rurot sila ng 35-24 para hawakan ang 86-79 ben­tahe.

Lalong ginanahan sa 4th period ang Dyip, hindi nila hinayaang mabawi sa kanila ang lamang at nakuha nila ang pangala­wang panalo sa tatlong laro.

Samantala, nais ng Ba­rangay Ginebra na maka­bangon agad mula sa pagkakadapa sa kanilang huling laro kontra tigasing San Miguel Beer, 91-99 noong Linggo sa Araneta Coliseum.

Tangan ang 1-1 karta, haharapin ng Gin Kings ang Rain or Shine sa 5 p.m. sa Calasiao Sports Complex.

Sasandalan ng crowd favorite Ginebra sina LA Tenorio at Japeth Aguilar upang makuha ang pa­nga­lawang panalo at makalapit ng bahagya sa tuktok.

Nagtala si Tenorio ng 24 points, anim na rebounds at limang assists habang 20 puntos at pi­tong rebounds ang inam­bag ni Aguilar sa talo nila sa Beermen. Pero panigu­radong hindi madali ang tatahakin ng Gin Kings dahil galing sa panalo at impresibo ang laro ng Elasto Painters laban sa NLEX, 96-87. May 1-0 baraha ang RoS, huhugot naman sila ng lakas kina “Big Game” James Yap at Javee Mocon. Nagtala si two-time Most Valuable Player, (MVP) Yap ng 20 pts. habang 13 puntos at limang rebounds ang bi­nakas ni Mocon. (ATD)