NBA PLAYER ODOM, GINAGAMAY NA ANG PRAKTIS NG PHL MIGHTY SPORTS

NAGPAPRAKTIS na si dating NBA star Lamar Odom sa team ng Mighty Sports Philippines makaraang dumating sa bansa ang NBA two-time champion ng Los Angeles Lakers noong Miyerkules at agad itong nagtrabaho at nagreport sa laro ng team.

Kahapon ay sumalang siya sa 2-oras na praktis sa team, kasama si celebrated Ginebra import Justin Brownlee at University of the Philippines star Juan Gomez de Liano.

“For me, it was poor,” sabi ni Odom sa second practice niya sa ABS-CBN online. “But everybody practiced well. I think we got better as a team.” “We don’t have too much time, but we’re gonna do the best we can,” dagdag niya.

Alam daw kasi ni Odom na baliw na baliw ang mga Pinoy sa larong basketball kaya naman ang dating LA player ay pakay palakasin ang Mighty Sports Club team na babanat sa 30th Dubai International Basketball Championship sa Pebrero 1-9. Si Odom, na nagwagi sa back-to-back NBA championship ng Lakers noong 2009 at 2019 ang isa sa magpapalakas sa Philippine club team kasama si Barangay Ginebra resident import Justin Brownlee.

Matatandaang si Odom ay nag-drug overdose noong 2015 at na-coma ito at naka-life support sa ospital.

Pero mula noon, ang 2011 Sixth Man of the Year ay nagbago at muling ibinalik ang dating sigla ng sarili. Si Odom ay 14 na taon na naglaro sa NBA at huling umaksiyon sa Los Angeles Clippers noong 2013. (MC / ATD)