After exam, umuwi nang maaga | 12-ANYOS PUMALAG SA RAPE, GINILITAN, PATAY

LASLAS ang leeg at wala ng buhay nang madis­kubre sa kusina ng kanilang bahay ang 12-anyos na da­lagita sa Ca­loocan City, ka­makalawa ng gabi.

Kinilala ang biktima na si Mhyrrhaquel Singson, residente ng Bgy. 171, Bagumbong.

Batay sa inisyal na imbestigasyon, ma­agang umuwi mula sa kani­lang paaralan ang biktima matapos ang kanyang exa­mination.

Gayunman, alas-3:30 ng hapon nang matagpuan ito ng kanilang helper na si Rossel Villaralbo, na duguang nakahan­dusay kaya agad itong nag-report sa barangay.

Ani Villaralbo, pumunta siya sa tirahan ng Pamilya Singson upang maglinis sa bahay ng mga ito subalit, napansin nito ang main door ay nakakandado kaya sumi­lip ito sa bintana ng kusina kung saan niya nakita ang duguang bangkay ng biktima.

Ayon sa Caloocan Police North Extension Office ho­micide investigators, wala silang nakitang palatan­daan na sapilitang pinasok ang bahay kaya maaaring kakilala umano ng pamilya ng bik­tima ang suspek.

Sa pahayag naman ng ama ng biktima, maliban sa kanya, tanging ang kanyang ba­yaw lang ang may hawak ng susi ng kanilang bahay.

Dagdag pa nito, matapos maligo ang kanyang bayaw nu’ng tanghali ay umalis ito sa kanilang bahay alas-3:00 ng hapon at makalipas ang 30 minuto ay nadiskubre na­man ang bangkay ng kanyang anak.

Lumabas sa inventory ng pulisya na nawawala ang dalawang cellphone ng bik­tima.

Maaari rin umanong tinangkang pagsamantalahan ang biktima kung saan natagpuan ang dalawang kutsilyo na bali.

Inimbitahan naman ng pulisya ang lahat ng persons of interest, kabilang ang tiyuhin ng biktima.